2015-03-25
2015 წლის 25 მარტს ივანე ჯავახიშვილის სახელობის თბილისის სახელმწიფო უნივერსიტეტში მოეწყო შოთა რუსთაველის ეროვნული სამეცნიერო ფონდის მიერ დაფინანსებული პროექტის „ლაბორატორიული აღჭურვილობა ბირთვული მაგნიტური რეზონანსისა და კრიოგენიკისათვის“ ფარგლებში ჩამოტანილი და დამონტაჟებული აპარატურის პრეზენტაცია.
აღნიშნული პროექტი ითვალისწინებდა ციურიხის უნივერსიტეტის მიერ უსასყიდლოდ გადმოცემული აპარატურის შვეიცარიიდან საქართველოში ტრანსპორტირების ხარჯის დაფინანსებას.
აპარატურა ზეგამტარებსა და მაგნიტურ მასალებში ტემპერატურის ფართო დიაპაზონში ბირთვული მაგნიტური რეზონანსის მოვლენების შესასწავლად გამოიყენება.
>>>