19 მარტს, 14 საათზე,  სოხუმის სახელმწიფო უნივერსიტეტში შოთა რუსთაველის ეროვნული სამეცნიერო ფონდის ფუნდამენტური კვლევებისთვის სახელმწიფო სამეცნიერო გრანტის - „იმაგოლოგია: კულტურათა დიალოგის თავისებურებანი“ (პოსტკოლონიური ქართული ლიტერატურის მაგალითზე) - ფარგლებში ჩატარდა  მრგვალი მაგიდა თემაზე: „პოსტკოლონიური ქართული ლიტერტურა   იმაგოლოგიური პრობლემატიკის კონტექსტში“.

საგრანტო პროექტის ხელმძღვანელმა, ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის  პროფესორმა ნანა გაფრინდაშვილმა წაიკითხა მოხსენება თემაზე „პოსტკოლონიური კვლევები საქართველოში: გამოწვევები და პერეპექტივები“. მოხსენებები წაიკითხეს საგრანტო პროექტის ძირითადმა შემსრულებლებმა - თსუ ასოცირებულმა პროფესორმა ნინო წერეთელმა („ბინარული ოპოზიცია  „ჩემი“ / „სხვა“ -საფრანგეთი და ფრანგები  ქართულ პოსტკოლონიურ ლიტერატურაში“) და სოხუმის სახელმწიფო უნივერსიტეტის პროფესორმა მარიამ მირესაშვილმა („ტრავმული მეხსიერება პოსტკოლონიური კვლევების ჭრილში (ქართული ლიტერატურის მაგალითზე“). მრგვალი მაგიდის მუშაობაში მონაწილეობა მიიღეს სსუ-ის და სდასუ-ის პროფესორებმა: ნანა კუციამ („ტრავმული მეხსიერება – აფხაზეთის ომი“),   მარინა ტურავამ („უცხოელის სახე თანამედროვე ქართულ ლიტერატურაში“),  ნინო მინდიაშვილმა („იმაგოლოგიის თეორიული ასპექტები“).  სამეცნიერო დისკუსიამ  საინტერესო,  საქმიან ვითარებაში ჩაიარა.