საგრანტო კონკურსის მიზანია მეცნიერებაში ახალგაზრდა კადრების მოზიდვა და მათი სამეცნიერო პროექტების განხორციელების ხელშეწყობა საგრანტო დაფინანსების გზით.

კონკურსში მონაწილეობა შეუძლიათ საქართველოში მცხოვრებ საქართველოს მოქალაქეებს: მაგისტრს, დოქტორანტს, დოქტორს და მათთან გათანაბრებულ პირებს, რომლებიც ეწევიან სამეცნიერო-კვლევით საქმიანობას და მათი ასაკი არ აღემატება 35 წელს. პროექტები შესაძლოა განხორციელდეს როგორც ინდივიდუალურად, ასევე ორგანიზაციის ბაზაზე. პროექტის ხანგრძლივობაა ერთი წელი.

სამეცნიერო მიმართულებები: 

1. ქართველოლოგიის მეცნიერებები;
2. ჰუმანიტარული, ეკონომიკური და სოციალური მეცნი¬ერე¬ბები;
3. საინჟინრო მეცნიერებები, მაღალტექნოლოგიური მასალე¬ბი;
4. საინფორ¬მა¬ციო ტექნოლოგიები, ტელეკომუნიკაციები;
5. მათემატიკური მეცნიერებები;
6. ფიზიკური და ქიმიური მეცნიერებები;
7. სიცოცხლის შემსწავლელი მეცნიერებები;
8. სამედიცინო მეცნიერებები;
9. დედამიწის შემსწავლელი მეცნიერებები და გარემო;
10. აგრარული მეცნიერებები.

2007 – 2009 წლებში დასაფინანსებლად შეირჩა 134 პროექტი, საერთო ბიუჯეტით 1 812 522 ლარი. კონკურსს ადმინისტრირება გაუწიეს სსიპ საქართველოს ეროვნულმა სამეცნიერო ფონდმა სსიპ ქართველოლოგიის, ჰუმანიტარული და სოციალური მეცნიერებების ფონდმა (რუსთაველის ფონდმა).