შოთა რუსთაველის ეროვნული სამეცნიერო ფონდისა და საფრანგეთის სამეცნიერო კვლევების ეროვნული ცენტრის (CNRS) ერთობლივი სამეცნიერო გრანტების პროგრამის ფარგლებში გამოცხადებულ 2011 წლის კონკურსზე წარმოდგენილი იყო 10 საპროექტო წინადადება შემდეგ პრიორიტეტულ სამეცნიერო მიმართულებებში:

• მათემატიკა, მექანიკა - 3 პროექტი;
• ფიზიკა - 4 პროექტი;
• სიცოცხლის შემსწავლელი მეცნიერებები - 3 პროექტი.

კონკურსის პირობების თანახმად ფონდმა და CNRS-მა ერთობლივად დაადგინეს წარმოდგენილი საპროექტო წინადადებების შესაბამისობა კონკურსის პირობებთან, რის შედეგად 2 საპროექტო წინადადება (სარეგისტრაციო #4125/05-01 და #4126/05-01) მოხსნილი იქნა კონკურსიდან. აღნიშნული საპროექტო წინადადებები წარმოდგენილი იყო შოთა რუსთაველის სახელმწიფო უნივერსიტეტიდან და მათში გამოვლენილ იქნა კონკურსის პირობებთან შემდეგი სახის შეუსაბამობა: 1) საპროექტო წინადადებები არ იყო ხელმოწერილი ფრანგი პარტნიორის მიერ; 2) CNRS-დან მოწოდებული ინფორმაციის თანახმად საპროექტო წინადადებების ფრანგი პარტნიორი არ მუშაობს CNRS-ში. დარჩენილი 8 საპროექტო წინადადება შეფასებისთვის გადაეცა დამოუკიდებელ ექსპერტებს (თითოეული პროექტი 2 ექსპერტს).

კონკურსის პირობების შესაბამისად, CNRS-ში საბოლოო შეფასებისთვის გადაიგზავნება 7 საპროექტო წინადადება, რომელთაც მიიღეს 80 ქულაზე მეტი საშუალო შეფასება (იხ.რანჟირებული სია).

რანჟირებული სია