შოთა რუსთაველის ეროვნული სამეცნიერო ფონდის მიერ გამოცხადებული კონკურსის ”სასწავლო-შემეცნებითი კომპიუტერული პროგრამების შესაქმნელად” ფარგლებში საქართველოს განათლებისა და მეცნიერების მინისტრის ბრძანებით შექმნილმა საკონკურსო კომისიამ გამოავლინა გამარჯვებული პროექტი: ”ვაშენებთ საქართველოს”.

კონკურსის მიზანია სასწავლო-შემეცნებითი კომპიუტერული პროგრამების შექმნის ფინანსური უზრუნველყოფა და მის ფარგლებში ზოგადსაგანმანათლებლო სკოლებისათვის ეროვნული სასწავლო გეგმის მოთხოვნის შესაბამისი კომპიუტერული პროგრამების შექმნა. ამჯერად კონკურსში ექვსი განაცხადი მონაწილეობდა. დაფინანსებული პროექტის ავტორია ალექსანდრე სულავა.