კონკურსის მიზანია ხელი შეუწყოს საქართველოს მეცნიერების მონაწილეობას საერთაშორისო სამეცნიერო ღონისძიებებში, რათა ინფორმაციის გაცვლისა და გამოცდილების გაზიარების შედეგად გააძლიეროს ადგილობრივი სამეცნიერო პოტენციალი და ხელი შეუწყოს საქართველოს მეცნიერების საერთაშორისო სფეროში ინტეგრაციას.

სამოგზაურო გრანტების საშუალებით ქართველ მეცნიერებს საშუალება ეძლევათ მონაწილეობა მიიღონ საზღვარგარეთ დაგეგმილ საერთაშორისო სამეცნიერო ღონისძიებებში.

სამოგზაურო გრანტების ფინანსდება საქართველოს სახელმწიფო ბიუჯეტიდან და მის სრულ ადმინისტრირებას ახორციელებს სსიპ - შოთა რუსთაველის ეროვნული სამეცნიერო ფონდი.

საკონკურსო მასალების წარდგენის გრაფიკი /ბოლო ვადებია:

2010 წლის 11 ოქტომბრიდან დაგეგმილილი ღონისძიებებისათვის – 2010 წლის 30 სექტემბერი;

2010 წლის ნოემბრი-დეკემბერში დაგეგმილი ღონისძიებებისათვის – 2010 წლის 20 ოქტომბერი;

ფონდში წარმოდგენილ საკონკურსო მასალებს განიხილავს საკონკურსო კომისია. კონკურსში მონაწილეებს განაცხადის წარდგენის ბოლო ვადიდან 7 სამუშაო დღის განმავლობაში ეცნობებათ პასუხი დაფინანსების სტატუსის შესახებ.

ფონდში საკონკურსო მასალების წარდგენა შესაძლებელია კონკურსის გამოცხადების შემდეგ, 2010 წლის 23 სექტემბრიდან, სამუშაო დღეებში, 10:00-18:00 საათამდე.

დეტალური ინფორმაცია, კონკურსის პირობებისა და წარსადგენი ფორმების შესახებ იხილეთ ქვემოთმოცემული ბმულებით:

• ბრძანება;
• კონკურსის პროგრამა და მასში მონაწილეობის პირობები;
• დანართი 1, სააპლიკაციო ფორმა;
• დანართი 2 ბიუჯეტის ფორმა;
• შეფასების კრიტერიუმები;
• საქართველოს პრეზიდენტის 2005 წლის 20 აპრილის N 231 ბრძანებულება;
• საქართველოს მთავრობის 2008 წლის 20 თებერვლის #30 დადგენილება.

პროგრამის კოორდინატორი ეკეტერინე ბუთლიაშვილი
დეტალური ინფორმაციისათვის მოგვმართეთ:
მისამართი: დ. უზნაძის ქ. #68, IV სართული
ტელ: 877 74 75 78;
ელ-ფოსტა: eketerine@rustaveli.org.ge
ვებ-გვერდი: www.rustaveli.org.ge