შოთა რუსთაველის ეროვნული სამეცნიერო ფონდი აცხადებს ახალგაზრდა მეცნიერთა უცხოეთში სამეცნიერო-კვლევითი სტაჟირებისათვის სახელმწიფო სამეცნიერო გრანტების კონკურსს
დაფინანსების მოსაპოვებლად, საგრანტო განაცხადის წარდგენა შეუძლია საქართველოში მუდმივად მცხოვრებ საქართველოს მოქალაქეს-ახალგაზრდა მეცნიერს, რომელიც ფლობს ინგლისურ ან იმ ქვეყნის სახელმწიფო ენას, სადაც იგი გეგმავს სტაჟირების გავლას, აქვს დოქტორის აკადემიური ან მასთან გათანაბრებული სამეცნიერო ხარისხი, რომელიც მიენიჭა კონკურსის გამოცხადების თარიღიდან ბოლო 7 წლის პერიოდში, ან არის რეზიდენტი ან დოქტორანტი და ეწევა სამეცნიერო-კვლევით საქმიანობას საქართველოს სამეცნიერო-კვლევით ან ავტორიზებულ უმაღლეს საგანმანათლებლო დაწესებულებაში.
ახალგაზრდა მეცნიერი, რომელსაც მიღებული აქვს ამავე კონკურსის გრანტი ბოლო ერთი წლის წინ, ვერ მიიღებს მონაწილეობას 2015 წლის კონკურსში (სტაჟირების კონკურსში მიღებული გრანტის პერიოდის დამთავრებიდან გასული უნდა იყოს არანაკლებ 1 წელი).
საგრანტო პროექტის მინიმალური ხანგრძლივობაა 2 თვე, ხოლო მაქსიმალური ხანგრძლივობა - 6 თვე. საჭიროების შემთხვევაში, შესაძლებელია 7, 8 თვის მოთხოვნაც, რაც მოითხოვს აპლიკანტის მიერ სტაჟირების ვადების დამატებით დასაბუთებას. (დეტალური სამუშაო გრაფიკი დამატებით თვეებზე და მომწვევი მხარისგან დამატებითი თვეების საჭიროების წერილობითი დასაბუთება).
სამეცნიერო - კვლევითი სტაჟირება უნდა დაიწყოს არაუგვიანეს 2015 წლის 5 ოქტომბრიდან და უნდა დასრულდეს არაუგვიანეს 2016 წლის 15 ნოემბრისა.
ფონდიდან მოთხოვნილი საგრანტო დაფინანსება არ უნდა აღემატებოდეს 35 000 ლარს.
პროექტების ელექტრონული რეგისტრაცია შესაძლებელი იქნება 2015 წლის 15 ივნისიდან 2015 წლის 8 ივლისის 24:00 საათამდე. ელექტრონულად დარეგისტრირებული პროექტებისათვის კონკურსში მონაწილეობის შესახებ ამობეჭდილი, ხელმოწერილი განცხადება ფონდში წარმოდგენილი უნდა იყოს არაუგვიანეს 2015 წლის 10 ივლისის 18:00 საათისა.
ვადის დარღვევის ან/და არასრული დოკუმენტაციის წარმოდგენის შემთხვევაში პროექტი მოიხსნება კონკურსიდან.
კონკურსის პირობებთან, ან ელ. ბაზაში რეგისტრაციასთან დაკავშირებულ შეკითხვებზე პასუხის გასაცემად კონკურსის მონაწილეთათვის ჩატარდება ჯგუფური კონსულტაციები შემდეგი გრაფიკით:
· ორშაბათს, 15 ივნისს, 16:00 სთ-ზე ფონდის საკონფერენციო დარბაზში
· ოთხშაბათს, 17 ივნისს, 16:00 სთ-ზე, ფონდის საკონფერენციო დარბაზში
· ორშაბათს, 29 ივნისს, 16:00 სთ-ზე, ფონდის საკონფერენციო დარბაზში
დეტალური ინფორმაცია, კონკურსის პირობების შესახებ იხილეთ ქვემოთმოცემული ბმულებით:
· გენერალური დირექტორის ბრძანება
ცვლილება გენერალური დირექტორის ბრძანებაში 1
ცვლილება გენერალური დირქტორის ბრძანებაში 2
· მთავრობის დადგენილება
· კონკურსის პროგრამა და პირობები
· განცხადების ფორმა
· საპროექტო წინადადების ფორმა
· ბიუჯეტის ფორმა
· სტიპენდიის ნორმების ცხრილი ქვეყნების კატეგორიების მიხედვით
· სარეკომენდაციო წერილის ფორმა
· ელექტრონული რეგისტრაციის ინსტრუქცია
· საკონკურსო განაცხადის წარდგენა/დარეგისტრირება
კონსულტაციებისთვის, გთხოვთ მიმართოთ პროგრამის კოორდინატორს, მაია ქაჯაიას
ტელ: + (995 32) 2 200 220 (4409); ელ-ფოსტა: kajaia@rustaveli.org.ge
ფონდის ელ. ბაზაში რეგისტრაციის შეფერხების შემთხვევაში, გთხოვთ დაუკავშირდეთ მარიამ ვარდიშვილს; მობ.: 570101321; ელ. ფოსტა: vardishvili@rustaveli.org.ge
ჯგუფურ კონსულტაციებში მონაწილეობის მისაღებად, მოგვმართეთ შემდეგ მისამართზე:
ქ. თბილისი, მ. ალექსიძის ქ. #1, III სართული.