განათლებისა და მეცნიერების მინისტრის მოადგილემ და სამინისტროს შოთა რუსთაველის ეროვნული სამეცნიერო ფონდის გენერალურმა დირექტორმა სპეციალური საგანმანათლებლო საჭიროების მქონე ბავშვებს დამდეგი ახალი წელი მიულოცეს.

ნოდარ სურგულაძე და სულხან სისაური ქ. თბილისის №203 ყრუ და სმენადაქვეითებულთა სკოლა-პანსიონის მოსწავლეებს საახალწლო წარმოდგენაზე ესტუმრნენ და სადღესასწაულო ნუგბარი მიართვეს.

რუსთაველის ფონდის გენერალური დირექტორის სულხან სისაურის განცხადებით, ფონდი ყოველთვის სიამოვნებით სტუმრობს №203 სკოლა-პანსიონის აღსაზრდელებს და სხვადასხვა ღონისძიებებით ცდილობს ხელი შეუწყოს საზოგადოებაში მათ ინტეგრაციას.

203-ე სკოლა-პანიონში სპეციალური საგანმანათლებლო საჭიროების მქონე 162 მოსწავლე სწავლობს, მათგან 105 - პანსიონური მომსახურებით სარგებლობს.