ძვირფასო მეცნიერებო,
საქართველოს განათლებისა და მეცნიერების სამინისტროს შოთა რუსთაველის ეროვნული სამეცნიერო ფონდისა და საქართველოს სამეცნიერო წრეების თანამშრომლობის გაღრმავებისა და გაუმჯობესების მიზნით მოგმართავთ თხოვნით, გამოგვიგზავნოთ თქვენი შეხედულებები და რეკომენდაციები ფონდის საქმიანობის შესახებ. სასურველია, რჩევები შეეხებოდეს, როგორც მიმდინარე საქმიანობას, აგრეთვე სამომავლო გეგმებს.
ვფიქრობთ, თქვენი გამოცდილების გათვალისწინება დაგვეხმარება უფრო დახვეწილი, მოქნილი და გამჭვირვალე გავხადოთ ფონდის საქმიანობა, რაც სასარგებლო და შედეგიანი იქნება ორივე მხარისთვის.
დარწმუნებული ვართ, ჩვენი მჭიდრო თანამშრომლობა მიმართული იქნება ქვეყნის სამეცნიერო პოტენციალის ამაღლებისკენ.
ჩვენთვის მნიშვნელოვანია ყველა თქვენგანის მოსაზრება.
